الصف الثالث الثانوي

رسالة ليك يا طالب ثالثة ثانوي – من مستر علاء كامل

1. ابدأ من دلوقتي
   الوقت هو سلاحك، كل يوم مراجعة بسيطة هتوفر عليك ضغط رهيب قبل الامتحان.

2. القواعد مش للحفظ وخلاص
   لازم تفهم القاعدة كويس وتتمرن عليها بأسئلة كتير. كل ما تحل أكتر، هتلاقي القواعد بتثبت في دماغك.

3. التعبير فرصتك تلم درجات كاملة
   احفظ تراكيب جاهزة (Opening – Ending – Linking words) وتمرن على استخدامها.. الامتحان بيحب الطالب اللي بيكتب بذكاء.

4. القراءة والترجمة مش عقبة
   وسع حصيلتك من الكلمات يوميًا.. كل كلمة جديدة هي درجة زيادة في الامتحان.

5. حل امتحانات السنين اللي فاتت
   ده أهم تدريب، هيعرفك شكل الامتحان، ويكشف نقاط ضعفك قبل ما تدخل اللجنة.

6. متتكسفش تسأل
   أي حاجة مش واضحة.. اسأل فورًا. كل سؤال بتحله النهاردة بيوفر عليك غلطة في ورقة الامتحان.